साबुदाणा झाडाला लागतो? कधी पाहिलंय का याचं झाडं?

साबुदाणा हा आवर्जून उपवासाला खाल्ला जातो, याची खिचडी, वडे असे वेगवेगळे प्रकार लोक बनवतात. अनेक लोक तर उपवास नसला तरी देखील आवडीने खिचडी खातात. पण तुम्ही कधी साबुदाण्याचं झाड पाहिलंय का? किंवा ते कोणत्या झाडाला लागलेलं पाहिलंय का?

तुम्हाला हे जाणून आश्चर्य वाटेल पण साबुदाणा हा डायरेक्ट कोणत्याही झाडाला लागत नाही, तर तो इतर झाडापासून तयार केला जातो. या झाडाचं नावं सागो पाम आहे. याला आपण साबूदाण्याचं झाड म्हणू शकतो, पण त्याला साबूदाणा हा लागत नाही.

साबुदाणा हा सागो पाम नावाच्या झाडाच्या देठापासून काढलेल्या चिकापासून बनवला जातो. साबुदाण्याचे झाड ताडाच्या झाडासारखे आहे. ही वनस्पती मूळची पूर्व आफ्रिकेची आहे. या झाडाचे खोड जाड झाल्यावर त्याचा मधला भाग कापून त्यापासून चिक काढून त्याची पावडर बनवतात.

यानंतर, ही पावडर चाळली जाते आणि गरम केली जाते, जेणेकरून पावडर ग्रॅन्युल्स तयार होतात. ज्या कच्च्या मालापासून साबुदाणा तयार केला जातो त्याला टॅपिओका रूट म्हणतात.

अशा प्रकारे साबुदाणा बनवला जातोटॅपिओका स्टार्च कसावा नावाच्या कंदापासून बनवला जातो. कसावा रताळ्यासारखा दिसतो. कसावाचx चिक काढून त्याला मोठ्या भांड्यात आठ ते दहा दिवस ठेवलं जातं. या काळात त्यात रोज पाणी टाकले जाते. त्यातून तयार झालेला चिक मशीनमध्ये टाकला जातो आणि अशा प्रकारे साबुदाणा तयार केला जातो.

ते सुकल्यानंतर ग्लुकोज आणि स्टार्चपासून बनविलेली पावडर टाकून त्याला पॉलिश केले जाते. अशा प्रकारे पांढऱ्या मोत्याच्या दाण्यांसारखा दिसणारा साबुदाणा तयार होतो.