Indian Railway Accident : पुल तुटला, 800 प्रवाशांचा मृत्यू! भारतातील 'या' दुर्दैवी रेल्वे अपघातांबद्दल तुम्हाला माहितीय का?

6 जून 1981 रोजी जगातील दुसरी सर्वात मोठी आणि भारतातील सर्वात भयानक रेल्वे दुर्घटना घडली. या भीषण अपघातात सुमारे 800 लोक मरण पावले. बिहारमधील लोकल पॅसेंजर ट्रेनला हा अपघात झाला. मालगाडीचे नऊ पैकी सात डबे बागमती नदीत कोसळले.

त्याचवेळी बिहारच्या बालाघाटमध्ये भीषण चक्रीवादळ आले. त्यामुळे बचावकार्य आणखी गुंतागुंतीचे झाले. काही दिवसांनंतर सुमारे 800 लोकांचे मृतदेह पाण्यातून बाहेर काढण्यात आले. खरंतर या ट्रेनमध्ये चार लग्नातील पाहुणे होते.

याशिवाय दिल्लीकडे जाणारी पुरुषोत्तम एक्स्प्रेस उत्तर प्रदेशातील फिरोजाबादजवळ थांबलेल्या कालिंदी एक्स्प्रेसला धडकली. या घटनेत 358 जणांचा मृत्यू झाला होता. गायीला धडकल्यानंतर ब्रेक निकामी झाल्याने कालिंदी एक्स्प्रेस रुळांवर अडकली होती.

गेल्या वर्षी कोरोमंडल एक्सप्रेस ही ट्रेन शालिमार स्थानकावरून चेन्नईला जात होती. प्रथम, हावडा-चेन्नई कोरोमंडल एक्स्प्रेस रुळावरून घसरलेल्या हमसफर एक्स्प्रेसच्या दोन बोगींना धडकली. या धडकेनंतर कोरोमंडल एक्सप्रेस त्याच ट्रॅकवर उभ्या असलेल्या मालगाडीला धडकली. लगेचच कोरोमंडलाचे इंजिन मालगाडीच्या वर चढले. त्या भीषण रेल्वे अपघातात सुमारे 296 लोकांचा मृत्यू झाला होता.

त्यानंतर आसाममधील गैसालजवळ 2,500 हून अधिक प्रवाशांना घेऊन जाणाऱ्या दोन गाड्यांमध्ये टक्कर झाली. अवध-आसाम एक्स्प्रेस आणि ब्रह्मपुत्रा मेल यांच्यात झालेल्या धडकेत २६८ जणांचा मृत्यू झाला. 359 जखमी झाले. अपघाताची तीव्रता एवढी होती की, अवध-आसाम ट्रेनचे इंजिन दूरवर फेकले गेले. दोन गाड्यांमधील प्रवासीही लोकलपासून दूर फेकले गेले होते.