Voter List : राज ठाकरेंच्या आरोपावर शिंदे गटाचेही शिक्कामोर्तब! दुबार मतदारांवरून केला धक्कादायक दावा...

नाशिक: महाविकास आघाडी आणि इतर विरोधक मतदार याद्यांवरील संशय व्यक्त करत असताना, सत्ताधारी महायुतीतील शिवसेना शिंदे गटही आता आक्रमक पवित्र्यात आल्याचे दिसत आहे. शनिवारी मुंबईत झालेल्या सत्याचा मोर्चा मध्ये भाषण करताना मनसे अध्यक्ष राज ठाकरे यांनी काही मतदारसंघाची नावे घेत दुबार, संशयित मतदारांची संख्या जाहीर केली. राज ठाकरे यांच्या आरोपांवर शिक्कामोर्तब करणारा दावा शिवसेना शिंदे गटाने केला आहे. त्यामुळे एका बाजूला भाजपकडून महाविकास आघाडी-मनसेच्या दाव्यावर प्रश्न उपस्थित केले आहेत. त्याच वेळी दुसरीकडे त्यांच्या मित्रपक्षानेही आता प्रश्न उपस्थित करण्यास सुरुवात केली आहे.