Ramdas Athawale : विधानसभा निवडणुकीपूर्वी महायुतीत वादाचे फटाके! रामदास आठवलेंनी दिला मित्रपक्षांना इशारा

रत्नागिरी, (चंद्रकांत बनकर, प्रतिनिधी) : रत्नागिरी जिल्ह्यातल्या खेडमध्ये रिपब्लिकन पार्टी ऑफ इंडिया पक्षाचा कोकण प्रदेशचा मेळावा पार पडला. आरपी आयचे अध्यक्ष व केंद्रीय सामाजिक न्याय राज्यमंत्री रामदास आठवले यांच्या उपस्थितीत भव्य सत्कार संपन्न झाला. यावेळी रामदास आठवले यांनी आपल्या खास शैलीमध्ये कार्यकर्त्यांना मार्ददर्शन केलं. आम्ही देखील महायुतीमध्ये आहोत. मात्र, आमचं नाव कुठेही घेतलं जात नाही. तीन पक्ष आल्यानंतर आम्हाला विसरले, पण पक्षात लहान जरी असला तरी वर्गणी पॉवर आमच्या पक्षाची चालते. आम्ही ज्या पक्षासोबत असतो त्यांची सत्ता येते आणि आम्ही ज्यांच्या सोबतनसतो त्यांची सत्ता येत नाही, असं म्हणत महायुतीतील घटक पक्षांना इशारा दिला आहे.