तब्बल 30 वर्षांची परंपरा, पुण्यातील याठिकाणी मिळते इलायची, केसरयुक्त खरवस, दरही सुलभ

पुणे : महाराष्ट्राची खाद्य संस्कृती ही जगात नावाजली जाते. महाराष्ट्रातील विविध भागातील पदार्थ हे संपूर्ण देशातच नव्हे तर देशाबाहेरही नावाजले आहेत. पुण्यातही आपल्याला वेगवेगळे पदार्थ पाहायला मिळतात आणि त्यांची चव ही काही वेगळीच असते. तसेच पुण्यातील जे. एम. रोड या ठिकाणी असलेले श्री कृष्णा खरवस हे 30 वर्ष जुने दुकान आहे. इथे केसर, विलायची असे खरवस प्रकार आहेत. तेही अगदी स्वस्तामध्ये मिळतात. याबाबतच लोकल18 च्या टीमने घेतलेला हा विशेष आढावा.

खरवस हा म्हशीच्या किंवा गाईच्या दुधापासून बनवला जातो आणि यामध्ये खूप जास्त प्रोटीन मिळते. त्यामुळे खरवस हे आरोग्यासाठीही फायदेशीर आहे. याची किंमत ही कमी आहे. याठिकाणी अगदी 40 रुपये प्लेटमध्ये हे खरवस खायला मिळते. त्यामुळे प्युअर दुधापासून बनवलेल खरवस खायचं असेल तर या ठिकाणाला नक्कीच जाऊ शकता.