प्रवाशांसाठी महत्त्वाची सूचना, दिवाळीत रेल्वेने गावी जाण्यासाठी सोडल्या जाणार 90 जादा गाड्या, VIDEO

पुणे : येत्या दोन महिन्यात दिवाळीचा सण येत आहे. दिवाळीच्या निमित्ताने लाखो नागरिक हे गावी जात असतात. दिवाळीत प्रवाशांची संख्या वाढत असते. रेल्वेचे आरक्षण या काळात फुल्ल होते. या दिवाळीच्या काळात बाहेरगावी, परराज्यांत जाणाऱ्या प्रवाशांची गैरसोय होऊ नये. यासाठी मध्य रेल्वे विभागातून 90 जादा गाड्यांचे नियोजन केले आहे.

मध्य रेल्वे पुणे विभागातून पुणे-हजरत निजामुद्दीन, नागपूर, दानापूर, गोरखपूर, सावंतवाडी याकडे जाण्यासाठी 90 रेल्वे गाड्या दिवाळी आणि छटपूजेसाठी स्पेशल धावणार आहे, या विषयी अधिक माहिती जाणून घेऊ.

दिवाळी आणि छट पूजेसाठी उत्तर भारतात तसेच इतर भागात प्रवासी जात असतात त्यांचा प्रवास चांगला व्हावा, यासाठी स्पेशल रेल्वे चालू करण्यात येत आहे. तर दानापूरसाठी 35 गाड्या असतील तर गोरखपूरसाठी 23, नागपूरसाठी 10, निजामुद्दीनसाठी 2, सावंतवाडीसाठी 4, लातूरसाठी 4, आणि जोधपूरसाठी 4 त्याचप्रमाणे मुंबईसाठी 8 ट्रिप असणार आहे.

दानापूरसाठी गाड्याची मागणी मोठी असते. त्यामुळे 22 ऑक्टोबरला सुरू करुन या स्पेशल गाड्या 9 नोव्हेंबरपर्यंत चालणार आहेत. गोरखपूरसाठी जाणारी जी गाडी आहे, ती 25 ऑक्टोबरला सुरू होऊन 12 नोव्हेंबरपर्यंत असेल. 01415 ही गाडी पुणे-गोरखपूर दररोज चालणार आहे आणि बाकी 2 गाड्या आहेत. त्या शुक्रवार आणि शनिवारी चालणार आहे. त्याचप्रमाणे नागपूरसाठी आठवड्यातून 5 दिवस स्पेशल गाडी सुरू असणार आहे, त्याची सुरुवात 21 ऑक्टोबर ते 9 नोव्हेंबरपर्यंत चालवणार आहे.