बारामतीत खळबळ! 7 दिवसांपासून फोन उचलत नव्हती विवाहिता; दरवाजा उघडताच बेडवरील ब्लँकेटखाली दिसलं थरकाप उडवणारं दृश्य

सुजाता या सासरच्या वस्तीवरील घरात एकट्याच राहत होत्या. त्यांचे पती नोकरीनिमित्त पुण्यात असतात, तर सासू-सासरे बारामती शहरात राहतात. गेल्या ६-७ दिवसांपासून सुजाता फोन उचलत नसल्याने काळजीपोटी त्यांचे भाऊ आणि माहेरचे लोक सोनगावला पोहोचले. घराचा दरवाजा उघडून आत प्रवेश केला असता, सुजाता यांचा मृतदेह कॉटवर ब्लँकेटने झाकलेल्या अवस्थेत आढळून आला. मृत्यूला अनेक दिवस उलटल्याने मृतदेह सडलेल्या अवस्थेत होता.

हा प्रकार समोर येताच सुजाता यांच्या माहेरच्या लोकांनी सासरच्या मंडळींवर कौटुंबिक छळ आणि घातपाताचा आरोप केला. संताप इतका अनावर होता की, गावकऱ्यांच्या आणि पोलिसांच्या उपस्थितीतच त्यांनी सुजाता यांचा अंत्यविधी सासरच्या घरासमोर करून आपला निषेध नोंदवला. या अनपेक्षित प्रकारामुळे गावात तणावाचे वातावरण निर्माण झाले होते.