पुणे-नाशिक महामार्गावरील वाहतूक कोंडी होणार इतिहासजमा! 261 कोटींच्या 'या' 4 मिसिंग लिंकमुळे बदलणार चित्र

चाकणमधील तळेगाव चौक, आंबेठाण आणि आळंदी फाटा या चौकांतील गर्दी कमी करण्यासाठी हे पर्यायी रस्ते गेमचेंजर ठरणार आहेत

सकाळी आणि संध्याकाळच्या वेळेत किमान दीड ते दोन तास अनेकांना चाकण चौकातील वाहतूक कोंडीत अडकून पडावें लागते. तासनतास ट्रॅफिकमध्ये अडकणाऱ्या चाकण एमआयडीसीतील कामगारांना आणि स्थानिक नागरिकांना आता थेट पर्यायी मार्ग मिळतील. यामुळे इंधनाची बचत होईलच, शिवाय अवजड वाहने आणि स्थानिक वाहतूक वेगळी झाल्यामुळे अपघातांचे प्रमाणही घटणार आहे. भूसंपादनानंतर एका वर्षात हे काम पूर्ण करण्याचे पीएमआरडीएचे उद्दिष्ट आहे. या चारही लिंकच्या मार्गांवर आरक्षण टाकण्यात आले असून, येथील भूसंपादनासाठी प्रयत्न सुरू आहेत. या मागांमध्ये येणारी सर्व अनधिकृत बांधकामे काढण्यात येणार आहे.