ते उसाचं पाचट जाळायला गेलेले पण वाऱ्यानं घात केला; क्षणात सगळं राख झालं, पुण्यात शेतकऱ्याचा धक्कादायक शेवट

दौंड : शेतात राबणाऱ्या बळीराजावर निसर्गाने पुन्हा एकदा क्रूर घाला घातला आहे. उसाची तोडणी झाल्यानंतर शेतातील पाचट पेटवून देणं एका ६९ वर्षीय शेतकऱ्याच्या जीवावर बेतलं. आगीने घेतलेल्या रौद्र रूपामुळं आणि वाऱ्याच्या वेगामुळं स्वतःच्याच शेतात आगीच्या वेढ्यात अडकून जालिंदर भालचंद्र भाडळे (वय ६९, रा. पारगाव) या शेतकऱ्याचा दुर्दैवी मृत्यू झाला. या घटनेमुळं संपूर्ण दौंड तालुक्यात शोककळा पसरली आहे.