आई डांबरीकरणाचं काम करत होती अन् 4 वर्षाचा लेक खेळत होता; पण तो दिवस आर्यनसाठी ठरला अखेरचा, रस्त्यावरच भयंकर घडलं

सेंट सेबॅस्टियन हायस्कूलच्या मागील बाजूला रस्त्याचे डांबरीकरण सुरू होते. आर्यनची आई या कामावर मजूर म्हणून काम करत होती. काम सुरू असताना रोडरोलरचा चालक अतिशय वेगाने रोलर चालवत होता. रोलरच्या वेगाबाबत स्थानिक नागरिकांनी चालकाला हटकले देखील होते, मात्र त्याने त्याकडे दुर्लक्ष केले. काम संपवत असताना अचानक आर्यन या रोलरखाली आला आणि त्याचा जागीच मृत्यू झाला.