Diwali Crackers: लवंगी अन् रॉकेट सगळेच फटाके धोकादायक, MPCB चा धक्कादायक अहवाल समोर

नागरी वस्ती भागात दिवसा 55 तर रात्री 45 डेसिबल पर्यंतचा आवाज हा प्रदूषण. तर शांतता क्षेत्र असलेल्या भागात हा आवाज दिवसा 50 आणि रात्री 40 पर्यंत प्रदूषणात म्हणून गृहीत धरला जातो. व्यावसायिक क्षेत्रात दिवसा 65 तर रात्री 55 आणि औद्योगिक क्षेत्रात दिवसा 75 तर रात्री 70 डेसिबल ध्वनिमर्यादा आहे. या सर्व विभागातील ध्वनिमर्यादेपेक्षा छोट्या फटाक्यांचा आवाज देखील मोठा आहे.

प्रदूषण मंडळाने केलेल्या आवाजाच्या चाचणीत 20, 22, 25 आणि 27 फूट अशा विविध अंतरावरून आवाजाची मर्यादा मोजण्यात आली. यात सर्वाधिक 99.3 डेसिबल आवाज पाचशेच्या लडीचा झाला. तर सिंगल शॉट मुळे 87.3, लवंगीच्या 24 च्या लडीचा आवाज 85.3 डेसिबल, सुतळी बॉम्ब 78.1 डिसेबल, लक्ष्मी बॉम्ब 71.1 डेसिबल, रॉकेट 72 डेसिबल आणि विविध रंगाचे पाऊस 66 डेसिबल असे नोंदविण्यात आले.