महिला गर्भाशयाची गाठ काढायला गेली; पण भूल देऊन केलं भलतंच कांड, पुण्यातील त्या 4 डॉक्टरांना कोर्टाचा दणका

पुणे: डॉक्टरला देवाचा दर्जा दिला जातो, कारण ते अनेकांना अगदी मृत्यूच्या दारातून परत आणतात. मात्र, पुण्यात याच डॉक्टरांच्या हलगर्जीपणाची एक धक्कादायक घटना समोर आली. मांजरी बुद्रुक येथील 'साई केअर मल्टीस्पेशालिटी हॉस्पिटल'मध्ये एका ३५ वर्षीय महिलेची साधी गाठ काढायची होती. मात्र, गाठ काढायच्या नावाखाली चक्क तिचे संपूर्ण गर्भाशय काढून टाकल्याचा धक्कादायक प्रकार उघडकीस आला आहे. या प्रकरणी आता अतिरिक्त सत्र न्यायाधीश सुमित जोशी यांनी संबंधित चार डॉक्टरांचा अटकपूर्व जामीन अर्ज फेटाळून लावला आहे.