Pune News : कमाल पठ्ठ्यांनो! जुन्नरमधील 5 तरुणांनी सुरु केला औषध फवारणी व्यवसाय; महिन्याला कमावतात बक्कळ पैसे

पुणे : पुणे जिल्ह्यातील आंबेगाव आणि जुन्नर तालुका हा शेतीप्रधान तालुका असून या तालुक्यात वर्षभर शेतात पिके घेतली जातात. सर्वप्रकारची तरकारी पिके पिकविणाऱ्या या भागातील शेतकऱ्यांना आपल्या शेतात पिकांवर औषध फवारणीला आणि तणनाशके फवारणीला मजूर मिळत नव्हते. शेतकऱ्यांची हीच अडचण लक्षात घेऊन जुन्नर तालुक्यातील सावरगाव आणि वडज या गावातील शिवाजी केवळ, संजय केदार, पांडुरंग केवळ, अनिल लांडे आणि मोहम्मद इनामदार या पाच युवकांनी एकत्र येत पाच वर्षांपूर्वी शेतकऱ्यांच्या शेतात औषध फवारणी करण्याचा व्यवसाय सुरू केला.