Kolhapur Pune Highway : कोल्हापूर ते पुणे प्रवास आता 3 तासांत, कधी अन् कसं होणार शक्य? जाणून घ्या

भारतीय राष्ट्रीय महामार्ग प्राधिकरणच्या देखरेखीखाली पुणे-बंगळूर राष्ट्रीय महामार्गावरील पुणे-सातारा-कराड-कोल्हापूर या मार्गावरील बहुतांश कामे अंतिम टप्प्यात आली आहेत. कोल्हापूर पेठ नाका ते सातारा आणि सातारा ते पुणे या दरम्यान चौपदरी आणि सहापदरीकरण, उड्डाणपूल, भुयारी मार्ग तसेच ब्लॅक स्पॉटवरील सुधारणा वेगाने सुरू आहेत. जून 2026 पर्यंत सर्व कामे पूर्ण करण्याचे उद्दिष्ट आहे.

सध्या कोल्हापूर-पुणे प्रवासाला सुमारे 4 ते 4.5 तास लागतात. मात्र काम पूर्ण झाल्यानंतर हा प्रवास फक्त 3 तासांत पूर्ण होणार आहे. त्यामुळे वाहनचालकांचा वेळ वाचेल आणि वाहतूक कोंडी कमी होईल. विशेषतहा खेड शिवापूर, शिवरे, हरिश्चंद्री आणि वेळे येथील धोकादायक ठिकाणांवर सुधारणा करण्यात येत आहेत.