पुण्यातील वाहन चालकांसाठी मोठी बातमी; वाहतूकीचे नियम मोडणाऱ्यांना 15 दिवसांची कैद अन् 12,000 रुपयांचा दंड लागू

पहिल्या प्रकरणात पिंपळे गुरव येथील 29 वर्षीय रोहित वर्माला न्यायाधीश एस. बी. पाटील यांनी 15 दिवसांची कैद आणि 12,000 रुपये दंड ठोठावला. त्याच्यावर मोटार वाहन कायद्याच्या कलम 184, 185 आणि 3/181 अंतर्गत गुन्हा (4979/2024) नोंदवण्यात आला होता. रोहित दारूच्या नशेत गाडी चालवत असताना पकडला गेला आणि त्यामुळे रस्त्यावर इतरांच्या सुरक्षिततेस मोठा धोका निर्माण झाला होता.

दुसऱ्या प्रकरणात, नांदेड सिटी, पुणे येथील 31 वर्षीय राजकुमार मांगीणी कुलाल यालाही न्यायालयाने 15 दिवसांची साधी कैद आणि 10,000 रुपये दंड ठोठावला. त्याच्यावर मोटार वाहन कायद्याच्या कलम 184 आणि 185 अंतर्गत गुन्हा (01/2025) नोंदवला होता. या प्रकरणात सरकारी वकील वर्षा राणी जाधव यांनी सरकारची बाजू मांडली तर पोलीस निरीक्षक रुनाल मुल्ला आणि पीएसआय विकास पाटील यांनी कारवाईवर देखरेख ठेवली.

पुण्यातील दारू पिऊन वाहन चालवण्याची समस्या दिवसेंदिवस वाढत आहे. वाहतूक उपायुक्त हिम्मत जाधव यांच्या माहितीनुसार, 2020 मध्ये 2,017 प्रकरणे नोंदली गेली,2021 मध्ये फक्त 69 प्रकरणे होती. परंतु 2022 मध्ये 37, 2023 मध्ये 562 आणि 2024 मध्ये 5,293 प्रकरणे नोंदली गेली. यंदा 2025 मध्ये आतापर्यंत 3,984 प्रकरणे आधीच नोंद झाली आहेत. या आकडेवारीतून स्पष्ट दिसते की पुण्यात दारू पिऊन गाडी चालवणे गंभीर समस्या बनली आहे.

पोलिस आणि न्यायालय दोघेही या प्रकरणात कठोर भूमिका घेत आहेत, ज्यामुळे अशा बेशिस्त वाहनचालकांना वचक बसेल. दारू पिऊन वाहन चालवणे फक्त कायद्याचे उल्लंघन नाही, तर रस्त्यावर इतर नागरिकांच्या जीवनासाठी गंभीर धोका आहे. त्यामुळे पुणेकरांनी वाहतूक नियम काटेकोर पाळणे अत्यंत महत्त्वाचे आहे.

शहरातील रस्ते सुरक्षित ठेवणे हा प्रत्येक नागरिकाचा कर्तव्य आहे. दारू पिऊन वाहन चालवणे टाळणे, सीट बेल्ट वापरणे, वाहनाचा वेग मर्यादेत ठेवणे आणि ट्रॅफिक सिग्नलचे पालन करणे यामुळे अपघात आणि जीवितहानी टाळता येऊ शकते. वाहनचालकांनी नियम पाळल्यास केवळ स्वतःची सुरक्षितता नाही तर इतरांचेही जीवन सुरक्षित राहते.

पुण्यातील वाहतूक सुधारण्यासाठी पोलीस सतत काम करत आहेत आणि नागरिकांनी नियम पाळल्यास शहरातील रस्त्यांवर सुरक्षितता वाढेल. दारू पिऊन गाडी चालवण्यास आता पूर्ण बंदी आहे, आणि नियम मोडल्यास कडक शिक्षा होईल, ही शिकवण प्रत्येकाला मिळाली पाहिजे.