Ration Card Holder : राज्यातील 3 हजार शिधापत्रिकाधारकांसाठी धान्य बंद, शासनाने दिला आदेश; कारण काय?

'ज' झोनमधील अपात्र लाभार्थ्यांची अंतिम पडताळणी सुरू आहे. ही प्रक्रिया पूर्ण झाल्यानंतर संबंधित व्यक्तींच्या नावावरून धान्य वाटप कायमस्वरूपी थांबविले जाईल, असे ज झोनचे परिमंडळ अधिकारी यांनी सांगितले. केंद्र सरकारकडून अपात्र लाभार्थ्यांची यादी राज्यांना पाठवण्यात आली आहे.

नवीन पात्र लाभार्थींची निवड सातत्याने सुरू आहे. जानेवारी ते जून या कालावधीत धान्य न उचलणाऱ्या लाभार्थ्यांच्या जागी अपंग, निराधार, विधवा आणि गरजू नागरिकांना रेशनचा लाभ दिला जात आहे. 'अ' झोन (निगडी) येथील परिमंडळ अधिकारी विजय क्षीरसागर यांनी स्पष्ट केले की, या यादीत आयकर भरणारे नागरिक, चारचाकी वाहनधारक आणि कंपन्यांचे संचालक यांचा समावेश आहे, जे रेशनचे योग्य लाभार्थी नाहीत.