katraj Traffic : कात्रज परिसरात सकाळी ऑफिस वेळेत वाढणार वाहतुकीचा ताण; बदललेले मार्ग पाहूनच निघा

पुणे : कात्रज-मंतरवाडी बायपास मार्गावरील हांडेवाडी चौकात वाहतुकीच्या व्यवस्थेत काही तात्पुरते बदल करण्यात आले आहेत. हे बदल तात्पुरत्या स्वरुपात करण्यात आले असून, त्यांचा परिणाम पाहून पुढील निर्णय घेतला जाणार आहे. कात्रज-मंतरवाडी बायपास मार्ग हा सासवड आणि हडपसरकडे जाणाऱ्या वाहनांसाठी महत्त्वाचा रस्ता आहे. या मार्गावर उंड्री, पिसोळी आणि हांडेवाडी हे वाढत्या वस्तीचे भाग आहेत. गेल्या काही वर्षांत येथे बरीच घरं बांधली गेली आहेत, त्यामुळे या रस्त्यावर दिवसा आणि रात्रीही मोठी वाहतूक कोंडी होते.