Pune Success Story : महिन्याला अडीच लाख रुपये पगाराची नोकरी सोडली, सुरू केला स्वतःचा व्यवसाय, आज कोटीत उलाढाल! 

पुणे : तुमच्यामध्ये आयुष्यातील आपले स्वप्न पूर्ण करण्याची जिद्द आणि चिकाटी असेल तर कुठलीही गोष्ट अशक्य नाही, याची तुम्ही अनेक उदाहरणे पाहिली असतील. आज अशाच एका व्यक्तीची प्रेरणादायी कहाणी आपण जाणून घेणार आहोत. पुण्यातील तळेगाव दाभाडे येथील रहिवासी भाऊसाहेब नवले यांनी महिन्याला अडीच लाख रुपयांची चांगली पगाराची नोकरी होती. ती सोडून त्यांनी पुणे जिल्ह्यातील मावळ तालुक्यात ग्रीन अँड ब्लूम्स नावाने नर्सरी सुरू केली. या माध्यमातून आज ते कोट्यवधी रुपयांची उलाढाल करीत आहेत.

कोरोना काळात मावळ तालुक्यातील तळेगाव दाभाडे परिसरातील भाऊसाहेब यांनी वयाच्या 50 व्या वर्षी परदेशातील लाखो रुपये पगाराची नोकरी सोडून नर्सरीच्या व्यवसायाला सुरुवात केली. आज ते या व्यवसायातून वर्षाकाठी जवळपास दोन कोटींची उलाढाल करत आहेत. वयाच्या 50 व्या वर्षी जबाबदारी पेलून नवले यांनी हे यश मिळवलं आहे. त्यांची ही यशोगाथा शेतकऱ्यासाठी नक्कीच प्रेरणादायी आहे.

यातील 10 वर्षे इथोपिया देशात पॉलिहाऊस मधील गुलाब उत्पादनाचा अनुभव देखील घेतला आहे. मात्र, तिथून पुन्हा मायदेशात परतले आणि नर्सरीत नोकरी केली. अडीच लाख पगारही उत्तम होता, सर्व सुख सोयी त्यांच्या हातात होत्या. कुठली गोष्ट घेणे अशक्य नव्हते. पण वयाची पन्नाशी गाठली आणि भाऊसाहेबांनी ऐन कोरोनाला संधी समजून नोकरी सोडण्याचा निर्णय घेतला. जिथे लोक नोकरीसाठी धडपडत होते, तिथे भाऊसाहेबांनी मंदीमध्ये संधी शोधण्यासाठी इनडोअर पॉट-प्लांटस नर्सरीचा व्यवसाय सुरू केला आणि तो यशस्वी करुन दाखवला.