मावळात 31 कोटींचा 'काळा बाजार'! सोएक्स इंडिया कंपनीवर एफडीएची मोठी धाड; अधिकारीही चक्रावले

पुणे : मावळ तालुक्यातील टाकवे बुद्रूक परिसरात अन्न व औषध प्रशासनाने (FDA) मोठी कारवाई केली. यावेळी सुमारे ३१ कोटी ६७ लाख रुपयांचा बेकायदा तंबाखूजन्य पदार्थांचा साठा जप्त केला आहे. 'सोएक्स इंडिया' या कंपनीवर टाकलेल्या छाप्यात तब्बल ५.४८ लाख किलो प्रतिबंधित फ्लेवर हुक्का आणि तंबाखूजन्य साहित्य हस्तगत करण्यात आले असून या प्रकरणी पाच जणांविरुद्ध गुन्हा दाखल करण्यात आला आहे.