पुणे-नागपूर प्रवाशांसाठी खुशखबर! लवकर सुरु होणार नवीन एक्सप्रेस गाडी; थांबे एकदा पाहाच

मध्य रेल्वेने यंदा पुणे नागपूर दरम्यान दिवाळीसाठी विशेष गाडी चालवण्याचा निर्णय घेतला आहे. या विशेष गाडीसाठी नगर जिल्ह्यातील काही महत्त्वाच्या स्थानकांवर थांब्याची परवानगी रेल्वेने दिली आहे, ज्यामुळे नगर जिल्ह्यातील प्रवाशांना मोठा दिलासा मिळणार आहे.

मध्य रेल्वेच्या माहितीनुसार, नागपूर–पुणे–नागपूर दरम्यान दिवाळी विशेष गाडीच्या एकूण 20 फेऱ्या असणार आहेत. नागपूर ते पुणे दरम्यान गाडी 27 सप्टेंबरपासून प्रत्येक शनिवारी नागपूर स्थानकातून निघणार आहे आणि दुसऱ्या दिवशी पुण्यावर पोहोचणार आहे. त्याचप्रमाणे, पुणे–नागपूर विशेष गाडी 28 सप्टेंबरपासून प्रत्येक रविवारी पुणे स्थानकातून निघणार आहे आणि दुसऱ्या दिवशी सकाळी नागपूरला पोहोचणार आहे. त्यामुळे पुणे–नागपूर मार्गासाठी विशेष गाडीच्या दहा फेऱ्या चालवण्यात येणार आहेत, तर नागपूर–पुणे मार्गासाठीही दहा फेऱ्या असतील.