नेपाळहून पुण्यात आला; रात्रीच्या वेळी शहरात फिरून करायचा ते कांड, पोलिसांनी पकडताच अनेक घटनांचा उलगडा

महाळुंगे एमआयडीसी परिसरातून सातत्याने दुचाकी चोरीच्या तक्रारी येत होत्या. वरिष्ठ पोलीस निरीक्षक विजय ढमाळ आणि निरीक्षक अनिल देवडे यांच्या मार्गदर्शनाखाली पथकाने तांत्रिक तपास आणि गुप्त बातमीदारांच्या आधारे संशयिताचा माग काढला. चौकशी दरम्यान, आरोपीने महाळुंगे एमआयडीसी आणि परिसरातून चार दुचाकी चोरल्याची कबुली दिली. तसेच, तपासादरम्यान त्याने एका घरफोडीचा गुन्हा केल्याचेही समोर आले. पोलिसांनी त्याच्याकडून चोरीच्या चारही दुचाकी आणि घरफोडीतील सोन्याचे पदक असा एकूण १ लाख ५० हजार रुपयांचा मुद्देमाल जप्त केला आहे.

पोलीस उपायुक्त श्वेता खेडकर यांनी या कारवाईचे कौतुक केले असून, औद्योगिक पट्ट्यातील चोरीच्या घटना कमी करण्यासाठी पोलिसांचे गस्ती पथक अधिक सतर्क करण्यात आले आहे.