Crime News : आईच्या उपचारासाठी पैशाची चणचण; अल्पवयीन मुलाचे अपहरण; पुणे पोलिसांनी काही तासांत लावला छडा

तेजस ज्ञानोबा लोखंडे, अर्जुन सुरेश राठोड, विलास संजय म्हस्के अशी अटक करण्यात आलेल्या आरोपींची नावे आहेत. शस्त्राचा धाक दाखवून खंडणीसाठी एका 14 वर्षीय बालकाचे निळ्या रंगाच्या मारुती झेन या गाडीतून अपहरण करण्यात आले, अशी माहिती हिंजवडी पोलिसांना मिळाली होती. आरोपीने ज्या मोबाईलवरून फोन केला होता, त्याचे तांत्रिक विश्लेषण करीत पोलिसांनी आरोपींना अटक केली आहे. पोलिसांनी आरोपींची झाडाझडती घेतली असता त्यांच्याकडे 1 पिस्तूल, 1 लांब पात्याचा कोयता, 1 सत्तूर, 1 कटावणी, तोंडाला लावलेले मास्क, एक लोखंडी हातोडी, 3 मोबाईल मिळून आले.