तृतीयपंथीयांसाठी पूजा ठरल्या आशेचा किरण, एका क्लिकवर सुटणार आता प्रश्न,आणला खास APP

पुणे: पिंपरी-चिंचवड येथील पूजा कदम तृतीयपंथीयांच्या आयुष्यातील आशेचा किरण ठरत आहेत. तृतीयपंथी व्यक्तींना स्वावलंबी, सुरक्षित आणि सन्मानाने जीवन जगता यावे, तसेच त्यांना समाजाच्या मुख्य प्रवाहात आणण्यासाठी त्यांच्या आयुष्यात सकारात्मक बदल घडवून आणण्याच्या उद्देशाने पूजा कदम किरण ॲप विकसित करत आहेत. नुकत्याच चंद्रपूर येथे पार पडलेल्या राज्यस्तरीय हॅकेथॉन स्पर्धेत किरण ॲपने राज्यातील पहिल्या दहामध्ये स्थान पटकावले आहे. ही स्पर्धा राज्य शैक्षणिक संशोधन आणि प्रशिक्षण परिषद महाराष्ट्र यांच्या वतीने आयोजित करण्यात आली होती, आणि पुणे विभागातून कदम यांची राज्यस्तरावर निवड झाली आहे.