'त्या' मुलांसाठी आदित्य बनला मावळा, शिवकालीन युद्ध कलेचे देतोय मोफत धडे, Video

श्री सद्गुरू कला क्रीडा मध्ये गेली दोन वर्ष झालं मी लाठी काठी शिकवत आहे. परंतु मी 2012 पासून ही कला शिकतो आहे. मर्दानी खेळ म्हणजे शिवाजी महाराजांच्या काळात चालू झालेली युद्ध कला आहे. ज्याद्वारे आपण स्वराज्य स्थापन केले आणि शत्रूला मात देऊ शकतो. अशी युद्ध कला मी मुलांना शिकवत आहे. प्रत्येक मुलींना, स्त्रियांना स्वरक्षणाची गरज असते आणि माझ्याकडे सर्वात जास्त मुली शिकतात, असे आदित्य सांगतो.

मर्दानी खेळात शिकवली जाणारी पाहिली गोष्ट म्हणजे लाठी काठी होय. ही कुठं ही उपलब्ध होऊ शकते. त्यापासून तुम्ही स्वतःच रक्षण करायचं आहे. त्याच प्रमाणे तलवार चालवणे हे अतिशय चपळतेचं काम आहे. तर दाणपट्ट्याचं पातं लवचिक असतं आणि दोन्ही बाजूने धार असते. त्याच प्रमाणे भाल्याद्वारे ही आपण डिफेन्स करू शकतो.