मद्यधुंद तरुण-तरुणीचा धिंगाणा; आधी महिला पोलिसाला घेतला चावा, मग आणखीच धक्कादायक कृत्य, बाणेरमध्ये रात्रभर गोंधळ

मानसी आणि युवराज हे दोघे बालेवाडी येथील 'एजंट जॅक' बारमध्ये पार्टीसाठी गेले होते. मद्यधुंद अवस्थेत असताना त्यांचे तिथे कोणाशी तरी वाद झाले. पोलिसांनी त्यांना शांत करण्याचा प्रयत्न केला, मात्र त्यांनी पोलिसांशीच हुज्जत घालण्यास सुरुवात केली. सीसीटीव्ही फुटेजच्या मागणीवरून त्यांनी बारमध्ये गोंधळ घातला. त्यानंतर पोलीस त्यांना अधिक चौकशीसाठी बाणेर पोलीस ठाण्यात घेऊन आले.

पोलीस ठाण्यात आणल्यानंतरही दोघांची अरेरावी थांबली नाही. वैद्यकीय तपासणीसाठी नेण्यास सांगितल्यावर मानसीने एका महिला पोलीस उपनिरीक्षकाच्या युनिफॉर्मला हात घातला, त्यांना शिवीगाळ केली आणि त्यांच्या उजव्या हाताचा चावा घेतला. युवराजनेही पोलिसांना 'तुमची नोकरी घालवेन' अशी धमकी दिली. मानसीने तर, "मी सुसाईड करून तुमची नावे लिहीन," अशी धमकी देत पोलिसांवर दबाव आणण्याचा प्रयत्न केला.