मांजराने पोपटाचा पिंजरा पाडला; पुण्यातील शेजारी रस्त्यावरच भिडले, तुफान हाणामारी अन्..पोलिसात प्रकरण

पुणे : पुण्यात अगदी काहीही घडू शकतात, असं म्हणतात ते खरंच आहे. आता पुण्यातून एक अजब घटना समोर आली आहे. शहरात पाळीव प्राण्यांच्या वादातून शेजाऱ्यांमधील वाद विकोपाला गेल्याची विचित्र घटना समोर आली आहे. ताडीवाला रोड परिसरात एका मांजराने वारंवार पोपटाचा पिंजरा पाडल्याने दोन शेजाऱ्यांमध्ये जोरदार हाणामारी झाली. या प्रकरणी मांजराच्या मालकावर गुन्हा दाखल करण्यात आला असून, हा विचित्र प्रकार सध्या परिसरात चर्चेचा विषय ठरला आहे.