Pune Crime : आयुष कोमकरवर आज वैकुंठ स्मशानभूमीत अंत्यसंस्कार, गणेश कोमकर नागपूरवरून रवाना, पोलिसांनी लावली फिल्डिंग!
- Published by:Saurabh Talekar
Last Updated:
Pune Crime Ayush Komkar last rites : आयुष कोमकरवर आज संध्याकाळी वैकुंठ स्मशानभूमीत अंत्यसंस्कार होणार आहे. वडील गणेश कोमकर पाच वाजता पुण्यात पोहोचणार आहे.
Pune Crime News : पुण्यातील नानापेठ परिसरात टोळीयुद्धाने रणशिंग फुंकलं असून आंदेकर आणि कोमकर यांच्यातील वाद आणखी पेटला आहे. शुक्रवारी आंदेकरच्या टोळीने वनराज याच्या खुनाचा बदला घेतला अन् भाचा आयुष कोमकर याची गोळ्या झाडून हत्या करण्यात आली. त्यामुळे पुण्यात एकच खळबळ उडाल्याचं पहायला मिळतंय. अशातच आता आयुष कोमकरचे वडील आणि वनराज आंदेकरचा आरोपी गणेश कोमकर आता नागपूरवरून पुण्याला विमानाने रवाना झाला आहे. आपल्या मुलाच्या अंत्यसंस्कारासाठी तो पुण्यात पोहोचणार आहे.
वैकुंठ स्मशानभूमीत अंत्यसंस्कार
आयुष कोमकरवर आज संध्याकाळी वैकुंठ स्मशानभूमीत अंत्यसंस्कार होणार आहे. वडील गणेश कोमकर पाच वाजता पुण्यात पोहोचणार आहे. नागपूरच्या जेलमधून त्याला पुण्याला विमानाने आणण्यात आलं आहे. आयुषच्या हत्येनंतर आता वैकुंठ स्मशानभूमीत त्याच्यावर चार दिवसानंतर अंत्यसंस्कार होणार आहेत. आयुषचा मृतदेह पुण्यातील ससून रुग्णालयात ठेवण्यात आला होता.
पोलिसांनी लावली फिल्डिंग
advertisement
आयुषच्या अंत्यसंस्कारात कोणताही मोठा राडा होवू नये, यासाठी पोलिसांनी फिल्डिंग लावली आहे. पोलिसांचा मोठा फौजफाटा अंत्यसंस्कारावेळी असणार आहे. पोलिसांनी या प्रकरणात मोठी खबरदारी घेतली असून कोणतीही चूक होणार नाही, याची खात्री पोलिसांनी घेतली आहे.
पोलिसांना अंदाजच नव्हता
दरम्यान, वादातून स्वतःच्या नातवाची किंवा बहिणीच्या मुलाची हत्या केली जाईल असा अंदाज पोलिसांना नव्हता, असं पोलीस आयुक्त अमितेश कुमार म्हणाले आहेत. आता गुन्हेगारांच्या सात पिढ्या लक्षात ठेवतील अशी त्यांच्यावर कारवाई करणार. कोणत्याच गँगला आणि गँगस्टरच्या चुकीला माफी नाही, असा इशारा देखील अमितेश कुमार यांनी दिला आहे. त्यामुळे आता पोलीस आणखी मोठी चूक होणार नाही, याची काळजी घेतली जात आहे.
Location :
Pune,Maharashtra
First Published :
September 08, 2025 2:43 PM IST
मराठी बातम्या/पुणे/
Pune Crime : आयुष कोमकरवर आज वैकुंठ स्मशानभूमीत अंत्यसंस्कार, गणेश कोमकर नागपूरवरून रवाना, पोलिसांनी लावली फिल्डिंग!
