Trending:

Pune Crime : गजा मारणे टोळीवर पोलिसांची मोठी कारवाई, 9 महिन्यानंतर रुपेश मारणेला अटक! सापळा रचल्याचा Video व्हायरल

Published by:Saurabh Talekar

Last Updated:October 28, 2025 9:41 AM IST

Rupesh marne Arrested in mulashi : गजा मारणे टोळीतील रूपेश मारणे याला कोथरूड पोलिसांनी मुळशीतील आंदगाव तालुक्यातून अटक केल्याची माहिती मिळाली आहे. गेल्या काही महिन्यांपासून रूपेश मारणे फरार होता.

इम्पॅक्ट शॉटतुमचा गेटवे लेटेस्ट न्यूज

Rupesh marne Arrested in mulashi by Kothrud police

Pune Crime News (वैभव सोनवणे, पुणे प्रतिनिधी) : पुण्यातील कुख्यात गुंड गजा ऊर्फ गजानन पंढरीनाथ मारणे याच्या टोळीला मोठा धक्का बसला आहे. कोथरुड भागात 19 फेब्रुवारी रोजी दुचाकीस्वार संगणक अभियंता देवेंद्र जोग यांना मारणे टोळीतील गुंडांनी बेदम मारहाण केल्याची घटना घडली. जोग हा केंद्रीय मंत्री मुरलीधर मोहोळ यांच्या जवळचा व्यक्ती होता. त्यानंतर गजा मारणेला अटक केली गेली होती. अशातच मारहाण प्रकरणात पोलिसांनी आणखी मोठी कारवाई केली असून गजानन मारणे टोळीतील गुंड रूपेश मारणे याला अटक करण्यात आली आहे.

सोमवारी रात्री मुळशीतील आंदगावमधून अटक

रूपेश मारणे याला कोथरूड पोलिसांनी मुळशीतील आंदगाव तालुक्यातून अटक केल्याची माहिती मिळाली आहे. गेल्या काही महिन्यांपासून रूपेश मारणे फरार होता. अखेर रुपेश सोमवारी रात्री मुळशीतील आंदगावमध्ये आल्याची माहिती पोलिसांना मिळाली होती. त्यानंतर त्याला पोलिसांनी सापळा रचून अटक केल्याचा व्हिडीओ समोर आला आहे.

गजा मारणे टोळीवर पोलिसांची मोठी कारवाई, 9 महिन्यानंतर रुपेश मारणेला अटक! pic.twitter.com/VH8aUHaZ9r

— News18Lokmat (@News18lokmat) October 28, 2025

मोक्काचा गुन्हा दाखल

कोथरूड येथील एका तरुणाला मारहाण प्रकरणात गजानन मारणेसह रूपेश मारणे याच्यावर मोक्काचा गुन्हा दाखल होता. मात्र तेव्हापासून रूपेश मारणे हा पोलिसांना चकवा देत फरार होता. गजानन मारणेनंतर रुपेश टोळीची सुत्र चालवत होता, अशी माहिती देखील पोलिसांना मिळाली होती. आता रुपेशला अटक झाल्यानंतर अनेक मोठी माहिती समोर येण्याची शक्यता आहे.

ढाब्यावर ‘मटण पार्टी’

दरम्यान, गजानन मारणे याला पोलिसांच्या संरक्षणात सांगली कारागृहात घेऊन जाताना हायवेवरील ढाब्यावर ‘मटण पार्टी’ केल्याचा धक्कादायक प्रकार समोर आला होता. या प्रकरणाची माहिती पोलिसांना मिळाल्यानंतर पोलीस आयुक्तांनी पाच पोलिसांचं निलंबन देखील केलं होतं. गजा मारणेचा जामीन अर्ज न्यायालयाने फेटाळला होता. त्यामुळे गजा मारणेचा मुक्काम पुन्हा जेलमध्येच असणार आहे.

view comments

Location :

Pune,Maharashtra

First Published :

October 28, 2025 9:40 AM IST

Pune Crime : गजा मारणे टोळीवर पोलिसांची मोठी कारवाई, 9 महिन्यानंतर रुपेश मारणेला अटक! सापळा रचल्याचा Video व्हायरल