तुम्हालाही घर सजवायला आवडतं? थांबा! पुणेकर तरुणासोबत घडलेली ही घटना वाचून धक्काच बसेल

मुंढवा परिसरातील केशवनगरमध्ये राहणाऱ्या या तरुणाने गेल्या वर्षी आपल्या घराच्या सजावटीसाठी सोशल मीडियावर एक पोस्ट शेअर केली होती. हीच संधी साधून सायबर चोरट्यांनी त्याच्याशी संपर्क साधला. "आम्ही तुम्हाला अत्यंत स्वस्त दरात आणि आकर्षक पद्धतीने गृहसजावट करून देऊ," अशी बतावणी चोरट्यांनी केली.

चोरट्यांच्या बोलण्यावर विश्वास ठेवून तरुणाने त्यांच्याशी व्यवहार निश्चित केला. सुरुवातीला काही पैसे आगाऊ म्हणून मागितले गेले. त्यानंतर चोरट्यांनी विविध कारणे सांगून तरुणाकडून वेळोवेळी पैसे उकळण्यास सुरुवात केली. घराचं स्वप्न साकार होईल या आशेने तरुणाने तब्बल ८ लाख १० हजार रुपये चोरट्यांनी सांगितलेल्या बँक खात्यात जमा केले. मात्र, पैसे घेऊनही कामाला सुरुवात करण्याऐवजी चोरटे टाळाटाळ करू लागले. संशय आल्याने तरुणाने चौकशी केली असता, त्याला आपली फसवणूक झाल्याचे लक्षात आले. ज्यांनी स्वस्त सजावटीचे स्वप्न दाखवले होते, त्यांनी प्रत्यक्षात तरुणाला आर्थिक गर्तेत लोटले होते.