वाहतुकीचा नियम मोडणं त्याला पडलं पावणेतीन लाखांना; पुणेकरांनो, 'ही' एक छोटी चूक पडतीये प्रचंड महागात

विश्रामबाग पोलिसांनी दिलेल्या माहितीनुसार, पीडित व्यक्तीच्या मोबाइलवर वाहतूक नियम मोडल्याबाबतची एक फाईल पाठवण्यात आली होती. ही फाईल आरटीओचे अधिकृत चलन असल्याचे भासवले गेले होते. तक्रारदाराने जशी ती फाईल उघडली, तसाच त्यांचा मोबाइल हॅक झाला. काही वेळातच चोरट्यांनी त्यांच्या बँक खात्यावर डल्ला मारत २ लाख ७५ हजार रुपये दुसऱ्या खात्यात वर्ग केले.