पुण्यातील व्यावसायिकाची साडेचार कोटीची फसवणूक; पण पोलिसांचा तो निर्णय अन् सायबर चोरट्यांना एक रूपयाही मिळाला नाही

संबंधित बांधकाम व्यावसायिकाला आपल्या प्रकल्पासाठी मोठ्या प्रमाणात स्टील हवे होते. त्यांनी इंटरनेटवर स्टील पुरवठा करणाऱ्या कंपन्यांची माहिती शोधली. याचाच फायदा घेत सायबर चोरट्यांनी मध्यस्थ बनून त्यांच्याशी संपर्क साधला. "माल पुण्यात पाठवण्यासाठी आधी पैसे भरावे लागतील," असे सांगून चोरट्यांनी दोन वेगवेगळे बँक खाते क्रमांक दिले. विश्वासापोटी व्यावसायिकाने एका खात्यात २ कोटी २७ लाख आणि दुसऱ्या खात्यात २ कोटी २७ लाख, असे एकूण साडेचार कोटी रुपये जमा केले. पैसे मिळताच चोरट्यांनी आपले मोबाईल बंद करून पोबारा केला.