धक्कादायक! घराची चावी चप्पलच्या स्टँडमध्ये ठेवली, छोटी चूक अन् पुण्यातील महिलेसोबत नको ते घडलं
- Published by:Kiran Pharate
- local18
Last Updated:
घराच्या बाहेर किंवा चपलांच्या स्टँडमध्ये चावी लपवून ठेवण्याची तुमची सवय तुम्हाला मोठ्या संकटात टाकू शकते. सिंहगड रस्त्यावरील धायरी परिसरात अशीच एक धक्कादायक घटना घडली आहे.
पुणे: घराच्या बाहेर किंवा चपलांच्या स्टँडमध्ये चावी लपवून ठेवण्याची तुमची सवय तुम्हाला मोठ्या संकटात टाकू शकते. सिंहगड रस्त्यावरील धायरी परिसरात अशीच एक धक्कादायक घटना घडली आहे. चोरट्यांनी पादत्राणांच्या जाळीत ठेवलेली चावी शोधून काढली आणि आरामात घर उघडून दीड लाख रुपयांचा ऐवज चोरून नेला. या घटनेमुळे परिसरात एकच खळबळ उडाली असून नागरिकांच्या सुरक्षेचा प्रश्न पुन्हा ऐरणीवर आला आहे.
नेमकं काय घडलं?
धायरीतील रायकर मळा परिसरात असलेल्या 'श्री हाईट्स' इमारतीत तक्रारदार महिला वास्तव्यास आहेत. १६ मार्च रोजी सकाळी १० च्या सुमारास त्या नेहमीप्रमाणे घर बंद करून कामाला निघाल्या. घरातील इतर सदस्यांच्या सोयीसाठी त्यांनी घराची चावी दरवाजाबाहेर असलेल्या पादत्राणांच्या जाळीत लपवून ठेवली होती. मात्र, पाळत ठेवून असलेल्या चोरट्यांचे हे कृत्य नजरेतून सुटले नाही.
advertisement
भरदिवसा धाडसी चोरी
महिला कामावर गेल्याची खात्री पटताच चोरट्यांनी जाळीतून चावी काढली आणि घराचे कुलूप उघडून आत प्रवेश केला. कपाटातील सोन्याचे दागिने आणि रोख रक्कम असा एकूण १ लाख ५० हजार रुपयांचा मुद्देमाल घेऊन चोरटे पसार झाले. सायंकाळी साडेसहा वाजता जेव्हा महिला घरी आली, तेव्हा घराचा दरवाजा उघडा असल्याचे पाहून त्यांना धक्काच बसला. यानंतर चोरीचा हा प्रकार उघडकीस आला.
advertisement
नांदेड सिटी पोलिसांनी याप्रकरणी अज्ञात चोरट्यांविरुद्ध गुन्हा दाखल केला असून सहाय्यक पोलीस निरीक्षक राहुल यादव या प्रकरणाचा पुढील तपास करत आहेत.
Location :
Pune,Maharashtra
First Published :
Mar 19, 2026 1:52 PM IST
मराठी बातम्या/पुणे/
धक्कादायक! घराची चावी चप्पलच्या स्टँडमध्ये ठेवली, छोटी चूक अन् पुण्यातील महिलेसोबत नको ते घडलं
