'रुग्ण गंभीर आहे, लवकर चला'; पुण्यातील डॉक्टर धावतच गेले, पण रस्त्यात भयंकर घडलं

इमारतीच्या निर्जन स्थळी पोहोचताच चोरट्यांनी आपले खरे रूप दाखवले. त्यांनी डॉक्टरांना चाकूचा धाक दाखवून धमकावण्यास सुरुवात केली. प्रतिकार करण्याचा प्रयत्न केला असता, एका चोरट्याने डॉक्टरांच्या बोटावर चाकूने वार करून त्यांना जखमी केले. त्यानंतर चोरट्यांनी डॉक्टरांची दुचाकी, मोबाईल, ३० हजार रुपयांची रोकड आणि पिशवीतील सुमारे एक लाख रुपये किमतीचा चांदीचा जग असा एकूण मोठा मुद्देमाल जबरदस्तीने हिसकावून घेतला आणि तिथून पळ काढला.

या धक्कादायक प्रकारामुळे डॉक्टर प्रचंड दहशतीखाली होते. त्यांनी सहकारनगर पोलीस ठाण्यात धाव घेऊन तक्रार नोंदवली. घटनेचे गांभीर्य ओळखून वरिष्ठ पोलीस निरीक्षक विठ्ठल पवार आणि सहाय्यक निरीक्षक जाधव यांनी तातडीने घटनास्थळी भेट दिली. पोलिसांनी इमारतीमधील सीसीटीव्ही फुटेज ताब्यात घेतले असून, चोरट्यांच्या वर्णनावरून त्यांचा शोध घेण्यासाठी पथके रवाना करण्यात आली आहेत. या प्रकरणाचा पुढील तपास पोलीस उपनिरीक्षक सद्दाम फकीर करत आहेत.