Pune Crime : रस्त्याने पायी चाललेला तरुण, दुचाकीवरून दोघं आले अन् डोक्यात दगड घालून संपवलं, पुण्यात खळबळ

आकाश कृष्णा चाबुकस्वार (वय २१, रा. फुरसुंगी) असे मृत तरुणाचे नाव आहे. गुरुवारी (१ जानेवारी) सायंकाळी आकाश फुरसुंगी परिसरातून पायी जात होता. यावेळी दुचाकीवरून आलेल्या दोन अज्ञात हल्लेखोरांनी त्याला वाटेतच थांबवले. सुरुवातीला त्यांच्यात शाब्दिक चकमक उडाली आणि वादाचे रूपांतर हाणामारीत झाले. रागाच्या भरात असलेल्या हल्लेखोरांनी आकाशच्या डोक्यात मोठा दगड घातला आणि तो रक्ताच्या थारोळ्यात पडल्यावर आरोपी तिथून भरधाव वेगात पळून गेले.