कधी महादेवाचा अवतार सांगत, कधी गुंगीचं औषध देत पुण्यातील महिलेवर अत्याचार; आता पसार झाला वसईचा भोंदूबाबा ऋषिकेश, पथकं रवाना

पुणे : नाशिकमधील अशोक खरात प्रकरणाने महाराष्ट्र हादरलेला असतानाच, नुकतंच आणखी एका भोंदू बाबाचे घृणास्पद कृत्य समोर आले आहे. स्वतःला 'महादेवाचा अवतार' म्हणवून घेणाऱ्या आणि दैवी शक्तीचा दावा करणाऱ्या ऋषिकेश वैद्य या भोंदूने एका ३५ वर्षीय महिलेवर गुंगीचे औषध देऊन अत्याचार केल्याचा प्रकार उघडकीस आला आहे. या प्रकरणी वसईच्या माणिकपूर पोलिसांनी गुन्हा दाखल केल्यानंतर तो आता तपासासाठी पुण्यातील मांजरी (हडपसर) पोलिसांकडे वर्ग करण्यात आला आहे. मात्र, याप्रकरणी गुन्हा दाखल होताच हा बाबा आता फरार झाला आहे.