Pune Metro: पुणेकरांनो वाहतूक कोंडी विसरा! शहराचा कायापालट होणार; मेट्रोचं 200 किमीचं जाळं विस्तारणार, असा आहे प्लॅन

सध्या पुण्यात ३३ किलोमीटरवर मेट्रो धावत असून तिला पुणेकरांचा उत्स्फूर्त प्रतिसाद मिळत आहे. मुख्यमंत्री म्हणाले की, "पुणे हे देशातील सर्वाधिक गतिमान मेट्रो प्रकल्पांपैकी एक आहे. भविष्यात हे जाळे २०० किमीपर्यंत विस्तारले जाईल, ज्यापैकी ८० किलोमीटरचे मार्ग आधीच प्रस्तावित आहेत." केवळ मेट्रोच नाही, तर रस्ते, उड्डाणपूल आणि बोगद्यांच्या कामांसाठी सुमारे ३० ते ३५ हजार कोटी रुपये खर्च केले जाणार असून, पुणे लवकरच वाहतूक कोंडीमुक्त होईल, असा विश्वास त्यांनी व्यक्त केला.

पुणे हे केवळ पायाभूत सुविधांमध्येच नाही तर रोजगारातही आघाडीवर राहणार आहे. देशात सध्या असलेल्या 'ग्लोबल कॅपॅसिटी सेंटर' (GCC) च्या लाटेत पुणे हे मुख्य हब बनत आहे. यामुळे पुण्यातील तरुणांना उच्च दर्जाच्या नोकऱ्या आणि चांगला पगार मिळेल, ज्यामुळे शहराच्या अर्थव्यवस्थेला मोठी गती मिळेल.