पुणे मेट्रोच्या बोगद्याला पाडलं भगदाड! 'बोरवेल' घेताना थेट मेट्रो ट्रॅकवर आलं पाणी, कक्षात दिसला 'वॉटर अलर्ट'अन् मोठी धावपळ

मिळालेल्या माहितीनुसार, ही घटना १४ मार्च रोजी घडली. मेट्रोच्या नियंत्रण कक्षात अचानक 'वॉटर अलर्ट' दिसू लागल्याने अधिकाऱ्यांची धावपळ उडाली. ऑपरेटरच्या ही बाब निदर्शनास येताच मेट्रोच्या तांत्रिक पथकाने तातडीने संपूर्ण बोगद्याची पाहणी केली. तेव्हा शुक्रवार पेठ येथील एका खाजगी जागेत बेकायदेशीरपणे बोरवेलचे काम सुरू असल्याचे दिसून आले. तसेच त्याचे टोक थेट खाली असलेल्या मेट्रो बोगद्याच्या सिमेंट रिंगला छेदून आत आल्याचे धक्कादायक वास्तव समोर आले.