रेशनकार्डधारकांसाठी महत्त्वाची बातमी! जानेवारीपासून रेशन योजनेत महत्त्वाचे बदल, 'या' धान्याचा पुरवठा होणार बंद

पुणे: पिंपरी-चिंचवड शहरातील शिधापत्रिकाधारकांना मागील नोव्हेंबर आणि डिसेंबरमध्ये गहूसोबत ज्वारीचे वितरण करण्यात आले होते. मात्र, नवीन वर्षापासून ज्वारीचे वितरण थांबवण्यात येणार आहे. आता शिधाविभागाच्या तिन्ही कार्यालयांमधून प्रत्येक शिधापत्रिकाधारकाला दरमहा गहू 3 किलो आणि तांदूळ 2 किलो पुरवले जाणार आहेत. या बदलामुळे काही नागरिकांनी नाराजी व्यक्त केली आहे. मागील दोन महिन्यांत अंत्योदय योजनेअंतर्गत 3,710 लाभार्थ्यांना प्रत्येकी पाच किलो गहू, पाच किलो ज्वारी आणि 25 किलो तांदूळ वाटप करण्यात आले होते.