मुंबई-पुणे हायवेवरील कात्रज बोगद्याजवळ उंच कड्यावर महिलेचं धक्कादायक कृत्य, इतक्यात पोलीस आले अन् तो थरार

माहिती मिळताच आंबेगाव पोलीस ठाण्याचे वरिष्ठ पोलीस निरीक्षक शरद झिने यांच्या मार्गदर्शनाखाली पोलिसांचे पथक घटनास्थळी दाखल झाले. परिस्थितीचे गांभीर्य ओळखून पोलिसांनी तातडीने अग्निशमन दल आणि रुग्णवाहिकेला पाचारण केले. महिला अत्यंत टोकाच्या भूमिकेत होती, त्यामुळे तिला पकडण्यासाठी धावपळ करणे धोक्याचे ठरू शकले असते.

पोलिसांनी अतिशय संयमाने दुसऱ्या बाजूने महिलेशी संवाद साधण्यास सुरुवात केली. तिला बोलण्यात गुंतवून तिचे मन वळवण्याचा प्रयत्न केला. "ताई, खाली या, आपण बसून बोलू, सर्व प्रश्न सुटतील," अशा शब्दांत पोलिसांनी तिचे समुपदेशन केले. काही तासांच्या थरारानंतर पोलिसांच्या शब्दावर विश्वास ठेवून ती महिला कड्यावरून सुरक्षित खाली उतरली. पोलिसांनी वेळीच दाखवलेल्या या तत्परतेमुळे एका कुटुंबाचा आधार वाचला असून, पुणे पोलिसांच्या या कामगिरीचे सर्वत्र कौतुक होत आहे.