Pune News: पुण्यातला नवले पूल का झाला मृत्यूचा सापळा? अहवालातून धक्कादायक कारण समोर

आरटीओच्या प्राथमिक तपासणीनुसार, कंटेनर चालकाने गाडी न्यूट्रल स्थितीत ठेवली असावी आणि अतिवेगामुळे कंटेनरवरील त्याचे नियंत्रण सुटल्याने अपघात घडला. त्यामुळे हा अपघात मानवी चुकीमुळे झाला, असे प्राथमिक अहवालात नमूद करण्यात आले आहे.

या अपघाताची तांत्रिक तपासणी प्रादेशिक परिवहन विभागाकडून सुरू आहे. कंटेनरचा गिअर बॉक्स जळल्यामुळे अपघाताची नेमकी कारणे समजून घेण्यात काही अडचणी येत होत्या. यावर आरटीओच्या अधिकाऱ्यांनी तांत्रिक तपासणीसह महामार्गावरील सीसीटीव्ही फुटेजचा अभ्यास करून माहिती गोळा केली. तपासणीत असे दिसून आले की कंटेनरचा वेग खूप जास्त होता आणि नवले पुलाजवळ चालकाचे नियंत्रण सुटल्याने हा भीषण अपघात घडला. प्राथमिक अहवालानुसार हा अपघात मानवी चुकीमुळे झाल्याचे स्पष्ट झाले आहे.

टोल नाका परिसरात जड वाहनांच्या चालकांमध्ये सुरक्षा आणि नियमावलीबाबत जनजागृतीही केली जाणार आहे, असे प्रादेशिक परिवहन अधिकारी अर्चना गायकवाड यांनी सांगितले.