पाया घसरला अन् 350 फूट खोल दरीत कोसळले डॉक्टर; डोळे उघडताच समोर घनदाट झाडी अन् अंधार , मग...सिंहगड किल्ल्यावरील थरार

डॉ. प्रशांत नदावते हे दुपारी ४ च्या सुमारास सिंहगड घाटातील बुधलामाची परिसरात फिरत होते. निसरड्या वाटेवरून चालताना अचानक त्यांचा पाय घसरला आणि काही कळायच्या आत ते थेट ३५० फूट खोल दरीत कोसळले. इतक्या उंचावरून पडल्यामुळे ते काही वेळ बेशुद्ध होते. मात्र, शुद्धीवर आल्यावर त्यांनी हार मानली नाही. गंभीर जखमी अवस्थेत असतानाही त्यांनी खिशातून मोबाईल काढला आणि तातडीने पोलीस कंट्रोल रूमला फोन करून स्वतःचे लोकेशन कळवले.

सिंहगड परिसरात सध्या निसरड्या वाटांमुळे ट्रेकिंग करणे धोकादायक ठरत आहे. मात्र, डॉ. नदावते यांचा मोबाईल चार्ज असणे आणि त्यांनी तातडीने मदतीसाठी कॉल करणे त्यांच्यासाठी जीवदान ठरले. सध्या त्यांच्यावर रुग्णालयात उपचार सुरू असून त्यांची प्रकृती स्थिर आहे.