Moles on Body: फक्त काळाच नव्हे! या रंगाचे तीळ असतात लकी; शरीरावर अशा ठिकाणी असणं अतिभाग्यशाली

मुंबई : काही लोकांच्या अंगावर कमी तीळ असतात तर काही लोकांच्या अंगावर खूप तीळ असतात. तिळाविषयी लोकांमध्ये नेहमी उत्सुकता असते. काही ठराविक ठिकाणी तीळ असण्याला विशेष मानलं जातं. तीळ कुठे आहे, यावरून पैसा-समृद्धी कशी राहील याचा अंदाज वर्तवला जातो. सर्वसाधारणपणे तीळ रंगाने काळे, लाल, तपकिरी, पिवळे किंवा फिकट हिरवे असू शकतात. सामुद्रिक शास्त्रात तीळ आणि त्यांच्या रंगाशी संबंधित फायदे आणि तोटे सांगितले आहेत. काहीजण त्यांना भाग्य, आनंद आणि समृद्धीचे प्रतीक मानतात, तर काही जण त्यांना दुर्दैवी मानतात. तिळाचे स्थान आणि रंग यांचे वेगवेगळे अर्थ आहेत. तिळाचा रंग एका विशिष्ट ग्रहाशी संबंधित असतो आणि त्यानुसार त्याचे परिणाम जाणवू शकतात. काही लोकांना तीळ जन्मापासून असू शकतात, तर काहींना ते कालांतराने येऊ शकतात.