तोडणार हे निश्चित! तरी कोट्यवधींचा खर्च कशासाठी? सिंहगड रस्ता उड्डाणपुलावर 2 कोटींच्या रोषणाईला मंजुरी

उड्डाणपूल तोडण्याची ही प्रक्रिया पुढील काही महिन्यांत सुरू होण्याची दाट शक्यता असतानाही, महापालिकेच्या विद्युत विभागाने या पुलाच्या सौंदर्यीकरणासाठी आणि विद्युतरोषणाईसाठी १ कोटी ७९ लाख २५ हजार ९२ रुपयांच्या खर्चाचा प्रस्ताव स्थायी समितीसमोर ठेवला. इतक्या मोठ्या तोडफोडीच्या कामाच्या अगदी तोंडावर कोट्यवधींचा हा अनावश्यक खर्च कशासाठी, असा सवाल उपस्थित केला जात आहे. मात्र, शुक्रवारी झालेल्या बैठकीत स्थायी समितीने या खर्चाला मान्यता दिली आहे. हा खर्च म्हणजे सार्वजनिक पैशाचा अपव्यय आहे, अशी टीका आता पुणेकर नागरिक आणि विरोधी पक्षांकडून होत आहे.