कचऱ्यात दिसली चमकणारी वस्तू; बाहेर काढलं तर सोनं, मग पुण्यातील कचरावेचक महिलेनं जे केलं ते मन जिंकणारं

पुणे: सोन्याच्या किमतीत प्रचंड वाढ झालेली असताना दागिने चोरीच्या घटनाही वाढल्या आहेत. मात्र, यातही एक अशी घटना समोर आली आहे, जी वाचून तुम्हाला सकारात्मक वाटेल. "माणुसकी अजूनही जिवंत आहे" याची प्रचिती देणारी एक कौतुकास्पद घटना पुण्यात समोर आली आहे. कचरा संकलनाचे काम करणाऱ्या 'स्वच्छ' सहकारी संस्थेच्या सभासद शालन लक्ष्मण वायला यांनी कचऱ्यात सापडलेली अंगठी परत केली. एक तोळ्याची सोन्याची अंगठी प्रामाणिकपणे तिच्या मूळ मालकाकडे सोपवून त्यांनी प्रामाणिकपणाचा आदर्श घालून दिला आहे.