'इस हिजडे को यहां क्यों बिठाया?' अन् पुण्यातल्या प्रियाचा संघर्ष सुरू; आता झटतोय बेघर मुलांच्या शिक्षणासाठी !

पुणे, 21 ऑगस्ट : स्त्री-पुरुष समानता या विषयावर आपण अनेकदा वादविवाद करतो. त्याचवेळी समाजात तृतीयपंथी हा देखील एक वर्ग आहे, हे विसरुन जातो. त्यांच्या समानतेबद्दल कुणीही बोलत नाही. लोकांकडून होणारा भेदभाव, अवहेलना आणि न संपणारा संघर्ष हा त्यांच्या पाचवीलाच पुजलेला! यामध्ये काही जण हातावर हात धरून राहतात तर काही तृतीयपंथियांसाठी हा संघर्षच 'टर्निंग पॉईंट' ठरतो. जे समाजाने आपल्यासाठी केलं नाही ते आपणच करायचं असं ठरवून त्यांचे टाळी वाजवून 'मागणारे' हात 'देणारे' हात होतात.