‘एकविरा आई तू डोंगरावरी…’ तरुणाने घरात साकारला असा देखावा की सगळे झाले अवाक्

स्वप्नील सावळेने एकविरा आईचा हुबेहूब देखावा साकारला आहे. यामध्ये पायथा मंदिर, पाच पायरी मंदिर आहे आणि मुख्य देवीचा गाभारा देखील तयार केलेला पाहिला मिळतो. त्यामुळेच हा देखावा सगळ्यांचं लक्ष वेधून घेत आहे.

आमच्या घरामध्ये कार्ला निवासिनी एकविरा देवी ही 2009 पासून देवी विराजमान आहे. दरवर्षी नवरात्र उत्सव आम्ही मोठ्या थाटामाटात साजरा करतो. यावर्षी देवीच हुबेहूब प्रतिरूप देखावा सादर केला आहे म्हणजे टाकाऊ पासून टिकाऊ गोष्टींचा जास्त वापर यामध्ये तयार करण्यासाठी केला आहे. इथे असणारी कमान, पायथा मंदिर, पाच पायरी मंदिर, वरच मंदिर आणि लेणी हे सर्व बनवलं आहे. हे सर्व करण्यासाठी साधारण दीड महिन्याचा कालावधी लागला. यामध्ये माझे भाचे यांनी देखील मदत केली आणि पूर्ण देखावा तयार केला, असं स्वप्नील सावळे याने सांगितले.

एकविरा आई ही आगरी कोळी समाजाची कुलस्वामिनी मानली जाते. महाराष्ट्राच्या दऱ्या खोऱ्यात आदी माया शक्तीची रूपे आहेत. त्यातलंच ही एकविरा देवी आहे, अशी माहिती स्वप्निल सावळेने दिली.