पैसे कमवायचे होते पण गमवले; MIDC मध्ये नोकरीचं आमिष, 47 तरुण-तरुणी अडकले जाळ्यात, शेवटी...

आरोपींनी ३७ तरुण आणि १० तरुणींना १६ हजार रुपये पगार आणि दिवसाचे फक्त ८ तास काम असेल, असे स्वप्न दाखवले. नोकरी पक्की करण्यासाठी आणि गणवेश तसंच किटसाठी प्रत्येकाकडून पैसे गोळा करण्यात आले. फिर्यादी आणि त्यांच्या मित्रांकडून अशा प्रकारे एकूण ७० हजार रुपये उकळण्यात आले. मात्र, पैसे देऊनही नोकरी मिळत नसल्याचे आणि फसवणूक झाल्याचे लक्षात येताच तरुणांनी पोलिसांत धाव घेतली.

रांजणगाव एमआयडीसी पोलीस स्टेशनचे निरीक्षक महादेव वाघमोडे यांनी दिलेल्या माहितीनुसार, या तक्रारीची गंभीर दखल घेत दोन संशयितांना ताब्यात घेण्यात आले आहे. या टोळीने आणखी किती तरुणांना अशा प्रकारे फसविले आहे, याचा शोध पोलीस घेत आहेत.