Rohit Pawar Vs Ajit Pawar : 'बारामतीत पैशांचा पाऊस' रोहित पवारांकडून आणखी एक VIDEO, म्हणाले भ्रष्टाचाराचं धरण..

बारामती : बारामती लोकसभा मतदारसंघात उपमुख्यमंत्री अजित पवार आणि माजी कृषीमंत्री शरद पवार यांच्या प्रतिष्ठेची लढाई सुरू आहे. मतदानाच्या शेवटच्या दिवसापर्यंत डाव-प्रतिडाव सुरू आहेत. अशात बारामती लोकसभा मतदारसंघात मतदानाच्या पूर्वसंध्येला मतदारांमध्ये पैशांचं वाटप झाल्याचा आरोप होत आहे. राष्ट्रवादी काँग्रेस पार्टीच्या अजित पवार गटाने मतदारांना पैसे वाटत असल्याचा आरोप करत पोलीस ठाण्यात तक्रार दाखल दिली होती. आता आणखी एक व्हिडीओ आमदार रोहित पवार यांनी एक्स या सोशल मीडिया प्लॅटफॉर्मवर पोस्ट करत अजित पवार यांच्यावर थेट हल्ला चढवला आहे.