Traffic Rule: सावधान! वेळेत कर न भरल्यास खिशाला भूर्दंड, या वाहनांना रोज 100 रुपयांचा दंड!

बीएच सिरीज मिळवण्यासाठी ठराविक निकष पूर्ण करणे आवश्यक आहे. केंद्र किंवा राज्य सरकारचे कर्मचारी, बँकिंग क्षेत्रातील कर्मचारी, खासगी क्षेत्रातील अशा संस्था ज्यांची कार्यालये किमान चार राज्यांमध्ये आहेत अशांना ही सुविधा उपलब्ध आहे.

बीएच नंबर सिरीज असलेले वाहन देशभरात कुठेही चालवता येते. एकाच राज्यापुरते ते मर्यादित राहत नाही. त्यामुळे अशा वाहनांचा वापर करणाऱ्या धारकांना वारंवार नोंदणी प्रक्रियेतून जावे लागत नाही. पुण्यातही बीएच नंबर असलेल्या वाहनांची संख्या दिवसेंदिवस वाढताना दिसत आहे. वाहन धारकांसाठी ही मोठी सुविधा असली तरी, वेळेवर कर भरणे टाळल्यास होणारा दंड टाळण्यासाठी दक्ष राहणे आवश्यक असल्याचे परिवहन अधिकाऱ्यांनी सांगितले.