इंधन दरवाढीनंतर ‘टोल’धाड! सातारा-पुणे प्रवास महागला, सांगली-सोलापूरचं काय?

पुणे-बंगळुरू महामार्गावरून दररोज हजारो वाहने धावत असतात. यामध्ये साताऱ्यातून जाणाऱ्या वाहनांची संख्या देखील मोठी आहे. गेल्या काही वर्षांपासून या मार्गावरून जाणाऱ्यांना टोल भरावा लागत आहे. मात्र, महामार्गावर सोयी-सुविधांचा अभाव कायम आहे. विशेष म्हणजे पिण्याचे स्वच्छ पाणी आणि सुरक्षित स्वच्छतागृहे देखील उपलब्ध नाहीत. त्यात टोल वाढीच्या टोल्यामुळे सर्वसामान्यांतून तीव्र नाराजी व्यक्त होत आहे.

जड बांधकाम मशिनरी, मल्टि-अॅक्सल वाहन यांसाठी पूर्वी 450 आणि 675 रुपये मोजावे लागत होते. आता 465 आणि 695 रुपये द्यावे लागतील. तर मोठ्या आकाराचे वाहन (सात किंवा जास्त अॅक्सल) पूर्वी 550 आणि 825 रुपये द्यावे लागत होते. आता 565 आणि 845 रुपये मोजावे लागतील.